ENERXÍAS RENOVABLES DO FUTURO |
||||
|
||||
IMPACTO ECOLÓXICO DAS ENERXÍAS NON RENOVABLES |
||||
|
||||
AVANCES EN ENERXÍA SOLAR E EÓLICA |
||||
|
|
|||
NOVOS MEDIOS DE TRANSPORTE |
||||
|
|
|||
OUTROS APROVEITAMENTOS |
||||
|
|
|||
NOVAS TECNOLOXÍAS DE ALMACENAMENTO |
||||
|
|
O SÉCULO NEGRO: CEN ANOS DE PARÉNTESE DAS ENERXÍAS RENOVABLES - Os últimos 100 anos da nosa historia están absolutamente dominados polo petróleo, tanto como fonte enerxética como de materiais (plásticos). – Non sempre foi así, as fontes de enerxía dominantes durante séculos foron as renovables, ata o comenzo da revolución industrial no século XVIII. - A era do petróleo finalizará a mediados do século XXI. Hai que buscar alternativas. - É o momento de pechar este longo paréntese das enerxías renovables e recuperalas para garantir o futuro do noso planeta sen renunciar ó noso desenvolvemento tecnolóxico.
FOTO: Refinería de petróleo en Bilbao (VIZCAYA) |
|
REVOLUCIÓN INDUSTRIAL E REVOLUCIÓN ENERXÉTICA - A revolución industrial do século XVIII supón un aumento da demanda enerxética. As fontes renovables da época non eran capaces de cubrir esa demanda, polo que comenza a súa sustitución por fontes non renovables (carbón). - O carbón emprégase nas máquinas de vapor das fábricas, nos ferrocarrís e ó longo do século XIX acaba coa navegación a vela, que tamén era unha enerxía renovable. - Desde comenzos do século XX o petróleo sustitúe ó carbón e impónse nos medios de transporte, eliminando os vehículos tradicionais: barcos de vela, vehículos de tracción animal, incluso as bicicletas e os desprazamentos a pé. A aviación o usa desde o primeiro momento. - Ó longo do século XX o petróleo domina totalmente como fonte de enerxía, pero ó mesmo tempo xa comeza a detectarse o seu esgotamento. FOTO: Central térmica de As Pontes (A CORUÑA) |
|
O CUSTO REAL DOS COMBUSTIBLES FÓSILES - O uso masivo do petróleo como fonte de enerxía imponse por motivos económicos, aparentemente era máis barato usar petróleo que as outras fontes de enerxía xa existentes. - Non se tiñan en conta outros costes que tamén son reais, e que temos que pagar entre todos: - a contaminacion atmosférica - a destruccion da natureza e o patrimonio - a ruptura na transmisión do saber tradicional - o expolio dos recursos dos países productores Hoxe sabemos que o uso de petróleo supón un ataque sen precedentes á ecoloxía do planeta, que temos que correxir antes de que as súas consecuencias sexan irreversibles: - aumento do efecto invernadoiro polo CO2 - contribúe á destrucción da capa de ozono - contaminación por verquidos e residuos FOTO: Explotación de carbón en As Pontes (A CORUÑA) |
|
O FUTURO SERÁ SEN PETRÓLEO - A era do petróleo rematará a mediados deste século - Neste momento xa non hai suficiente petróleo para cubrir tódalas necesidades dos países industrializados - A escaseza de petróleo está a provocar tensións mundiais e guerras de conquista - O aumento de prezo dos combustibles frea o desenvolvemento en todo o mundo, pero aféctalles especialmente ós países pobres - Algúns países como Suecia xa teñen o obxectivo de rematar co uso do petróleo en 2020 - A Unión Europea pretende chegar ó 20% de enerxías renovables nesa data - O Protocolo de Kyoto pretende reducir a contaminación mundial e e emisión de gases á atmósfera - Galicia pretende cubrir o 95% do consumo eléctrico con enerxías renovables en 2012 FOTO: Contaminación atmosférica en Bilbao (VIZCAYA) |
|
|
APROVEITAMENTO MODERNO DAS ENERXÍAS RENOVABLES A tecnoloxía moderna permite desenvolver moitas formas de aproveitamento das enerxías renovables: - Solar térmica (baixa, media ou alta temperatura) - Solar fotovoltaica (aillada ou conectada á rede) - Eólica (terrestre ou mariña) - Hidráulica (encoros, minicentrais) - Maremotriz - Ondas mariñas - Xeotérmica - Biomasa (forestal, biocombustibles) - Hidróxeno (combustible, pilas de combustible, fusión) - Biogás FOTO SUPERIOR: Central mareomotriz de Rance (FRANCIA) FOTO INFERIOR: Aeroxerador en Sotavento (A CORUÑA) |
CENTRAIS SOLARES FOTOVOLTAICAS - A tecnoloxía solar fotovoltaica xa permite a realización de grandes instalacións conectadas á rede, que fan a mesma función que as centrais eléctricas convencionais. Moitas teñen o seu orixe na iniciativa de particulares ou colectivos, recibindo o nome de “granxas solares”. - O custo deste tipo de instalacións todavía é elevado, pero nalgúns casos son a única fonte de suministro posible en zonas illadas ou con mala calidade de suministro eléctrico. - As instalacións fotovoltaicas poden funcionar durante moitos anos cunha elevada fiabilidade e un mantemento moi simple. - A medida que se vaian abaratando e aumenten o seu rendemento iremos vendo cada vez máis instalacións deste tipo, que ademáis teñen a vantaxe de que a producción de enerxía está máis próxima ó usuario, polo que contribúen a evitar os cortes de suministro típicos das redes con centrais grandes. FOTO SUPERIOR: instalación fotovoltaica do Fórum (BARCELONA) FOTO INFERIOR: instalación en construcción na provincia de Valladolid. |
|
AVANCES EN ENERXÍA SOLAR FOTOVOLTAICA - Os modernos paneis fotovoltaicos xurdiron da necesidade de suministro enerxético para as viaxes espaciais. - Os sistemas fotovoltaicos están en constante proceso de mellora, con avances no seu rendemento e materiais empregados. - Un método moi común de aumentar o rendemento consiste en instalar sistemas de seguemento solar, que manteñen os paneis no ángulo máis axeitado en cada momento do dia. - A investigación neste campo pode mellorar moito os resultados e custo deste tipo de enerxía.
FOTO SUPERIOR: sistema solar con orientación no plano horizontal no Parque de las Ciencias (Granada) FOTO INFERIOR: paneis fotovoltaicos de silicio amorfo no parque de Sotavento (A Coruña)
|
|
AVANCES EN ENERXÍA SOLAR TÉRMICA - A enerxía solar térmica tamén está en constante evolución, con novos sistemas de captación e almacenamento e incluso permiten a producción de frío en instalacións de climatización. - Os captadores planos son os máis empregados, pero existen outros como os de tubos de baleiro cunhas propiedades moito mellores, sendo capaces de captar enerxía incluso con temperaturas exteriores baixo cero. - Os sistemas de climatización (calor ou frío) están todavía en fase experimental pero é probable que en poucos anos sexan de uso común. Estes sistemas poden acadar un grande aforro enerxético, xa que o máximo consumo dos equipos de climatización coincide co máximo aporte de enerxía solar.
FOTO: tubos de baleiro empregados en captadores de última xeración en Beade (Vigo) |
|
AVANCES EN ENERXÍA EÓLICA - A enerxía eólica e, xunto á hidroeléctrica, a que está máis madura tecnolóxicamente e permite a súa explotación comercial a gran escala. - Isto débese a que no seu desenvolvemento aproveitou a experiencia existente no campo da navegación e da aviación. - Tamén se prantexa a posibilidade de instalar centrais mariñas próximas á costa. - A enerxía eólica ten o problema da dificultade de coñecer con antelación a potencia xerada para planificar o suministro, o que podería solucionarse mediante sistemas de almacenamento. - Tamén ten o problema do seu elevado impacto paisaxístico, o que pode reducirse mediante o emprego de novos modelos de aeroxeradores de maior tamaño e potencia.
FOTO SUPERIOR: aeroxeradores na serra Faladoira (A Coruña) FOTO INFERIOR: aeroxeradores no parque de Sotavento |
|
PILAS DE COMBUSTIBLE O uso máis común dos combustibles é a xeración de calor mediante unha reacción química co osíxeno. A enerxía térmica resultante pode empregarse para producir electricidade. Unha PILA DE COMBUSTIBLE é un elemento que consigue obter electricidade directamente a partir da reacción química do combustible (e algo de calor residual). Sirve para alimentar todo tipo de dispositivos eléctricos e electrónicos. No futuro próximo teremos vehículos eléctricos que funcionen con pilas de combustible, pero tamén ordenadores e incluso teléfonos móviles. Mediante esta tecnoloxía as vivendas poderían ter ó mesmo tempo electricidade e calor. Se o combustible se produce mediante enerxías renovables (como o caso do hidróxeno mediante electrólise solar) podería garantirse unha producción enerxética renovable e sostible. FOTOS: Electrolizador, pila de combustible e vehículo de xoguete a metanol no parque de Sotavento (A Coruña)
|
|
|
VEHÍCULOS ELÉCTRICOS - Os vehículos eléctricos son desde hai tempo unha alternativa real ós de motor de combustión interna, pero os intereses industriais e comerciais frenan o seu desenvolvemento. - Os vehículos totalmente eléctricos están formados por un conxunto de baterías para almacenar a enerxía, unha unidade de control e un motor eléctrico. - Son moi silenciosos e non producen ningún tipo de gas de escape, polo que o seu uso non é contaminante. - Tamén existen vehículos eléctricos experimentais de pila de combustible de hidróxeno, que producen como residuo únicamente vapor de auga. - Outra alternativa son os vehículos híbridos, con doble motor de combustión interna e eléctrico. Este tipo de vehículos poden ser unha boa forma de transición cara ós totalmente eléctricos.
FOTOS: vehículos eléctricos experimentais no “Encuentro Solar 2007” en Granada. |
|
COCIÑA SOLAR - A cociña solar é unha forma de aproveitamento enerxético simple, barata, e moi axeitada para países en vías de desenvolvemento. - O seu uso evita a destrucción da masa forestal e contribúe a reducir o traballo infantil, xa que a busca e transporte de leña é un traballo que moitas veces recae sobre os nenos. - As cociñas solares de concentración fanse mediante superficies reflectantes que focalizan os raios solares sobre un punto, que pode acadar unha elevada temperatura. - Os fornos solares de acumulación fanse mediante un recipiente térmicamente illado coa parte superior transparente, que acumula enerxía por efecto invernadoiro.
FOTO SUPERIOR: cociña solar parabólica e fornos de acumulación no “Encuentro Solar 2007” de Granada. FOTO INFERIOR: forno solar experimental e asador de brochetas feitos por alumnos de secundaria, presentados no “Encuentro Solar 2007” de Granada. |
|
O FUTURO DA ENERXÍA, ¿QUÉ PODEMOS FACER? - Pedir máis recursos para a investigación. O aproveitamento das enerxías renovables está tecnoloxicamente maduro, e inda ten moito potencial de mellora. Só fan falta cartos. - Adoptar medidas de aforro para reducir o consumo, non podemos seguir vivindo como ata agora (especialmente os países máis ricos). - Facer instalacións de enerxías renovables nas nosas casas. Inda que agora son todavía caras, se hai suficiente demanda os prezos baixarán, como sucede cos ordenadores, teléfonos móviles, etc. - Cambiar a nosa mentalidade: comezar a responsabilizarnos do noso propio abastecemento enerxético. Hai poucos anos moitas casas non tiñan auga, electricidade, calefacción, teléfono ou internet, e hoxe considerámolo imprescindible. Dentro de poucos anos ninguén pensará en vivir nunha casa que non produza e almacene a súa propia enerxía, os paneis solares e aeroxeradores serán un electrodoméstico máis. FOTO SUPERIOR: Sistema experimental de almacenamento mediante hidróxeno en Sotavento (A CORUÑA) FOTO INFERIOR: “vehículo eólico” en Coruxo (VIGO) |